ယုဝတီခရစ်ယာန်အသင်းအဆောက်အအုံ

lrm_export_20161028_120038

ဗိုလ်ကလေးဈေးလမ်း (ယခင် ဘရွတ်ကင်းလမ်း) ရှိ ဂုဏ်သရေရှိ သမိုင်းဝင် ယုဝတီ ခရစ်ယာန်အသင်း (YWCA) အဆောက်အအုံတွင် YHT ၏ ၁၅ ခုမြောက် ရန်ကုန်မြို့ပြအမွေအနှစ်အထိမ်းအမှတ် အပြာရောင်ကမ္ဗည်းပြားကို ၂၀၁၆ခုနှစ်၊ အောက်တိုဘာလ ၂၈ ရက်က တပ်ဆင်ခဲ့သည်။ YWCA အသင်းသည် မြန်မာနိုင်ငံအမျိုးသမီးများဖွံ့ဖြိုးတိုးတက်ရေးကဏ္ဍတွင် ဆောင်ရွက်ခဲ့သော သက်တမ်းအရင့်ဆုံး အသင်းကြီး ဖြစ်သည်။ အလွှာပေါင်းစုံအတွက် ရည်ရွယ်၍ အမျိုးသမီးဖွံ့ဖြိုးတိုးတက်ရေး ပရိုဂျက်များ၊ အစီအစဉ်များမှတစ်ဆင့် အမျိုးသမီးများ၏ အရည်အချင်းနှင့် လုပ်ဆောင်နိုင်မှုကို မြှင့်တင်ပေးပြီး လူ့အဖွဲ့အစည်းကို ပြောင်းလဲနိုင်သူများဖြစ်လာစေရန် ပျိုးထောင်ပေး လျက်ရှိ သည်။
ရန်ကုန် YWCA အသင်းကို ကမ္ဘာ့YWCA အသင်းနှင့် ချိတ်ဆက်ထားသည့် အိန္ဒိယ နေရှင်နယ် ကော်မတီ၏ အသင်းခွဲတစ်ခုအဖြစ် ၁၉၀၀ ပြည့်နှစ် ဇွန်လတွင် တရားဝင်အသိအမှတ်ပြုခဲ့သည့်နောက် ၁၉၀၂ ခုနှစ်တွင် ဆောက်လုပ်ခဲ့သော ဗိုလ်ကလေးဈေးလမ်းရှိ အဆောက်အအုံသည် အသင်းတည်ရာ ဖြစ်လာခဲ့သည်။ တိုးချဲ့ဆောင်ကို ယူနိုက်တက် အင်ဂျင်နီယာရင်းလီမိတက်က ၁၉၂၁ တွင်  ဆောက်လုပ်ခဲ့သည်။

lrm_export_20161028_120658

ထို့နောက် နိုင်ငံအနှံ့အပြားတွင် အသင်းဝင်များ တိုးပွားလာခဲ့ပြီး ရန်ကုန် YWCA အသင်းတွင် အမျိုးသမီးများ စွမ်းဆောင်ရည် ဖွံ့ဖြိုးစေရေးအတွက် ကျမ်းစာသင်တန်း၊ ကိုယ်လက်လှုပ်ရှား လေ့ကျင့်ခန်း၊ အပန်းဖြေခြင်း၊  ဂီတနှင့်အိမ်တွင်းမှုပညာများ သာမက စီးပွားရေးသင်တန်း နှင့် အလုပ်အကိုင်ရှာဖွေခြင်း စသည်တို့ကို စီစဉ်ပေးခဲ့သည်။
This entry was posted in Uncategorized. Bookmark the permalink.

Comments are closed.